Xiaomi 15 Ultra अत्याधुनिक अप्टिकल डिजाईनमा आधारित नवीनतम फ्ल्यागशिप स्मार्टफोन हो। यसमा नयाँ Leica Summilux अप्टिकल लेन्स प्रयोग गरिएको छ, जसले मोबाइल फोटोग्राफीलाई नयाँ स्तरमा पुर्याउँदै सम्पूर्ण focal length कवरेज दिन्छ। यसले तपाईंका महत्वपूर्ण र भावनात्मक क्षणहरूलाई जीवनभरका यादहरूमा परिणत गर्न सहयोग गर्छ।
Leica क्वाड-क्यामेरा प्रणाली
Xiaomi को Ultra सिरिज अझै पनि फोटोग्राफीमा केन्द्रित छ, जसले Samsung र Apple का फ्ल्यागशिपहरूभन्दा बढी क्षमता राख्छ। यसमा Leica क्यामेराबाट प्रेरित ठूलो वृत्ताकार क्वाड-क्यामेरा मोड्युल राखिएको छ। यो टु-टोन सिल्भर–ब्ल्याक, साथै साधारण ब्ल्याक र ह्वाइट मोडलमा उपलब्ध छ।
यसपटकको सबैभन्दा ठूलो सुधार भनेको 200MP पेरिस्कोप क्यामेरा हो, जसले 4.3x जुम सपोर्ट गर्छ। यसमा ठूलो सेन्सर, द्रुत अपर्चर र उच्च रिजोल्युसनमार्फत कम प्रकाशमा (low-light) अझ उत्कृष्ट प्रदर्शन गर्दछ। यही कारणले Xiaomi ले यसलाई “Night God” भनेर नाम दिएको छ। बाँकी तीनवटै क्यामेरा ५०MP का छन्, जसमा 14 Ultra भन्दा सानो सुधार गरिएको छ। विशेष उल्लेखनीय कुरा भनेको मुख्य क्यामेरामा अब स्थिर f/1.63 अपर्चर प्रयोग गरिएको छ, जुन अघिल्लो भर्सनको variable aperture साटिएको हो।
यसका साथै, तेस्रो पुस्ताको Photography Kit पनि वैकल्पिक एक्सेसरीका रूपमा उपलब्ध हुन्छ। यसमा एउटा कभर (case) र क्यामेरा ग्रिप समावेश हुन्छ। नयाँ संस्करणमा रातो फिनिश, ठूलो 2,000mAh ब्याट्री (जसले पावर बैंकको रूपमा पनि काम गर्छ), र पहिलेदेखिका समान नियन्त्रणहरू—शटर बटन, भिडियो बटन, जुम लेभर, र एक्स्पोजर डायल राखिएको छ।
डिस्प्ले र डिजाइन
Xiaomi 15 Ultra ले आफ्नो बलियो संरचना र ठूला क्यामेरा मोड्युलसहितको डिजाइनलाई निरन्तरता दिएको छ। क्वाड–कर्भ्ड एलुमिनियम फ्रेम ले फोनलाई अझ आरामदायी र प्रिमियम फ्ल्यागशिप अनुभव दिलाउँछ।
यसमा 6.73-इन्चको WQHD+ AMOLED डिस्प्ले छ, जसले 120Hz रिफ्रेस रेट र अधिकतम 3200 निट्स ब्राइटनेस सपोर्ट गर्छ। साथै, यो HDR10+ र Dolby Vision सँग पनि अनुकूल छ।
डिजाइन पक्षमा, यसमा Xiaomi को Guardian Structure, Gorilla Glass 7i को सुरक्षा, aerospace-grade ग्लास फाइबर ब्याक प्लेट र IP68 water तथा dust resistance को सुविधा उपलब्ध छ।
कार्यक्षमता र सफ्टवेयर
Xiaomi 15 Ultra लाई Snapdragon 8 Elite प्रोसेसर द्वारा संचालित गरिएको छ, जससँग LPDDR5X RAM र UFS 4.0 स्टोरेज जोडिएको छ। अघिल्लो संस्करणको तुलनामा 8 Elite ले निकै ठूलो प्रदर्शन सुधार ल्याएको छ। तर, यदि तपाईं उच्च–ग्राफिक्स गेम खेल्न खासै रुचि राख्नुहुन्न भने, यसको शक्ति सामान्य प्रयोगका लागि अत्यधिक (overkill) हुन सक्छ।
यो फोन Android 15 मा आधारित Xiaomi HyperOS 2.0 मा चल्छ। यसमा 3D डुअल–च्यानल कूलिङ सिस्टम समावेश गरिएको छ। साथै, Xiaomi ले आफ्नै प्रणालीमा विभिन्न AI फिचरहरू ल्याएको छ।
Xiaomi HyperAI विशेषताहरू
- Creative Assistant: वस्तु हटाउने (object removal), आकाश र प्रतिबिम्ब (reflection) सुधार, ब्लर घटाउने, तथा AI–आधारित फोटो/भिडियो सम्पादन।
- Productivity Assistant: पाठ (text), अनुवाद, खोज (search) जस्ता कार्यहरूको लागि प्रसंग (context) पहिचान; साथै आवाज (voice) पहिचानमार्फत ट्रान्सक्रिप्सन र तत्काल अनुवाद।
- यसमा Google Gemini Nano 2 र Google Circle-to-Search जस्ता सुविधाहरूको प्रयोग गरिएको छ।
ब्याट्री र चार्जिङ
Xiaomi 15 Ultra मा 5410mAh ब्याट्री दिइएको छ, जसले 90W वायर्ड चार्जिङ र 80W वायरलेस चार्जिङ सपोर्ट गर्छ। साथै, यसमा 18W रिभर्स वायरलेस चार्जिङ को सुविधा पनि छ। Xiaomi को दाबी अनुसार, यो ब्याट्रीले चार वर्षको प्रयोगपछि पनि करिब 80% क्षमता कायम राख्छ।
यस फोनले डुअल सिम, Bluetooth 6.0, WiFi 7, NFC, र USB Type-C 3.2 Gen 1 सपोर्ट गर्छ।
Xiaomi 15 Ultra को प्राविधिक विवरण (Specifications)
- डिस्प्ले: 6.73-इन्च WQHD+ AMOLED, 120Hz रिफ्रेस रेट
- प्रोसेसर: Snapdragon 8 Elite, 3nm प्रोसेस
- पछाडिको क्यामेरा: 50MP (wide) + 50MP (telephoto) + 200MP (periscope) + 50MP (ultrawide)
- अघिल्लो क्यामेरा: 32MP
- र्याम(Memory): 12GB / 16GB
- स्टोरेज: 256GB / 512GB
- ब्याट्री: 5410mAh, 90W वायर्ड, 80W वायरलेस चार्जिङ
- सफ्टवेयर: Xiaomi HyperOS 2.0 (Android 15)
- कनेक्टिभिटी: WiFi 7, Bluetooth 6.0, NFC, USB-C 3.2 Gen 1
Xiaomi 15 Ultra को मूल्य र उपलब्धता (नेपालमा)
नेपालमा Xiaomi 15 Ultra (16/512GB) को आधिकारिक मूल्य NPR 1,49,999 तोकिएको छ। यो फोनलाई मार्च 9 देखि 15 सम्म प्रि–बुकिङ भएको थियो । प्रि–बुक गर्ने प्रयोगकर्ताले NPR 9,999 मूल्य बराबरको Xiaomi 50W Wireless Charging Stand नि:शुल्क उपलब्ध भएक थियो ।